“Azərbaycan hökumətinin razılığı olmadan onun beynəlxalq tanınmış ərazilərinə, o cümlədən işğal olunmuş Dağlıq Qarabağ ərazisinə səfər edən əcnəbilərə münasibətdə mövqeyimiz bəllidir”.
Bunu APA-ya Xarici İşlər Nazirliyinin (XİN) Mətbuat xidməti idarəsinin rəhbəri Leyla Abdullayeva deyib.
O qeyd edib ki, Azərbaycanın qanunvericiliyini və beynəlxalq hüququn prinsiplərini pozaraq ölkəmizə qanunsuz səfər edən əcnəbilər ölkəmizə girişi arzu olunmayan şəxslər siyahısına daxil edilir.
Qeyd edək ki, bu günlərdə Ermənistan mətbuatında avqustun 6-da işğal altında olan Xankəndi şəhərində Ümumdünya panerməni oyunlarının açılış mərasiminin keçiriləcəyi və bu oyunlara bir neçə dövlətdən, o cümlədən də İrandan 200-dən artıq idmançının qatılacağı ilə bağlı xəbərlər yayılıb. Artıq İranın Azərbaycandakı səfirliyi məsələyə münasibət bildirib. Səfirliyin məlumatına deyilir ki, onlarda Azərbaycanın işğal olunmuş ərazilərində Ümumdünya panerməni oyunlarının keçirilməsi haqda etibarlı məlumatlar yoxdur. İran İslam Respublikasında aidiyyəti orqanlar bu xəbəri təsdiq etməyərək bildirirlər ki, İran dövləti bu addımdan xəbərdar deyil və onu dəstəkləmir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
