"İslami Əməkdaşlıq Təşkilatı (İƏT) işğal altındakı Dağlıq Qarabağda keçirilən qondarma "seçkilər"i rədd edir".
APA xəbər verir ki, bu barədə təşkilatın rəsmi internet saytında yerləşdirilən bəyanatda deyilir.
Bəyanatda bildirilib ki, Azərbaycan Respublikasının işğal edilmiş Dağlıq Qarabağ regionunda keçirilən qondarma "seçkilər" BMT-nin müvafiq qətnamələrinə ziddir.
"İƏT-in Baş katibliyi Azərbaycanın işğal altındakı Dağlıq Qarabağ regionunda 31 mart tarixində keçirilən "seçkilər"i BMT-nin Dağlıq Qarabağla bağlı müvafiq qətnamələrinə zidd görür. İƏT münaqişənin həllində İslami Əməkdaşlıq Təşkilatının və ATƏT-in müvafiq qərar və qətnamələrinə istinad edir. Bu qətnamələr münaqişənin Azərbaycan Respublikasının ərazi bütövlüyü və suverenliyi, beynəlxalq səviyyədə tanınmış sərhədlərinin toxunulmazlığı çərçivəsində həll edilməsini dəstəkləyir".
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
