Ürək tutması son dərəcə təhlükəli vəziyyətdir və ölümcül nəticələrə səbəb ola bilər. Onun əlamətləri fərqli şəkildə özünü göstərə bilər, lakin diqqət edilməli olan əsas əlamətlər mövcuddur.
Lent.az xarici mediaya istinadən məlumat verir ki, həkimlər bu əlamətləri yadda saxlamağı və onlardan ən azı biri müşahidə olunduqda dərhal mütəxəssisə müraciət etməyi tövsiyə edirlər. Vaxt itirmək çox təhlükəlidir.
Birinci əlamət - sinə ağrısıdır. Bu ağrı kəskin, küt və ya təzyiq kimi hiss oluna bilər. Ağrı bədənin digər hissələrinə - qol, çənə, boyun, çiyin və ya kürəyə yayıla bilər.
İkinci əlamət - nəfəs darlığıdır. Ürək tutması keçirən insan hətta yüngül fiziki fəaliyyət zamanı belə nəfəs almaqda çətinlik çəkə bilər. Həkim vurğulayır ki, nəfəs darlığı tək başına da təhlükəli əlamətdir və ağrı olmasa belə, gecikmək olmaz.
Üçüncü əlamət - zəiflik hissi və güclü tərləmədir. Xəstə özünü çox halsız və yorğun hiss edə bilər, eyni zamanda dəridə yapışqanlıq hissi yaradan tərləmə müşahidə oluna bilər.
Dördüncü əlamət - qeyri-spesifik əlamətlərdir: ürəkbulanma, qusma və ya ümumi yorğunluq. Bu əlamətlər digər simptomlara nisbətən daha zəif görünə bilər, lakin onları da nəzərdən qaçırmaq olmaz. Əgər sizdə və ya ətrafınızdakı birində bu əlamətlərdən hər hansı biri müşahidə olunarsa, dərhal tibbi yardım çağırmaq lazımdır. Hətta insan özü köməyə ehtiyac olmadığını desə belə, vəziyyəti diqqətdən kənarda qoymaq olmaz.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
