Ümumi anesteziya (narkoz) öncəsi pasiyentlərə yemək və su qəbul etməmək ciddi tövsiyə olunur. Lakin bir çox insan bunun səbəbini və qaydalara əməl etmədikdə nə baş verə biləcəyini bilmir.
Lent.az-ın xarici mediaya istinadən xəbərinə görə, həkim-anestezioloq Yuliya Payul izah edir ki, əsas təhlükə qoruyucu reflekslərin itirilməsidir. Narkoz zamanı insanın bütün əzələləri boşalır və xüsusilə udma refleksi yox olur.
Bu səbəbdən mədədə olan qida və ya maye əməliyyat zamanı yuxarı qalxaraq əvvəlcə qırtlağa, sonra isə nəfəs yollarına düşə bilər. Mədə turşusu ağciyərlərə daxil olaraq kimyəvi yanıq, aspirasion pnevmoniya (ağciyər iltihabı) və hətta həyati təhlükə yarada bilər. Məhz buna görə pasiyentlərə ümumi narkozdan əvvəl nə yemək, nə də su içmək icazə verilmir.
Narkozdan nə qədər əvvəl yemək və su qadağandır?
Həkimlərin ümumi tövsiyələrinə görə:
Bərk qida əməliyyatdan 6-8 saat əvvəl dayandırılmalıdır
Su ən azı 2 saat əvvəl içilməməlidir
Qəhvə və şirələr də qida sayılır və 6-8 saat əvvəl qadağandır
Körpələr üçün qaydalar fərqlidir: ana südü əməliyyatdan 4 saat əvvələdək verilə bilər, su isə eyni qayda ilə 2 saat əvvəl dayandırılmalıdır.
Yerli anesteziyada vəziyyət fərqlidirmi?
Yerli anesteziya zamanı insan ayıq olur və refleksləri qorunur. Buna görə bu halda yemək və su ilə bağlı ciddi qadağalar tətbiq edilmir.
Narkozdan əvvəl başqa nələr qadağandır?
Həkim-anestezioloq Andrey Vitovskiy qeyd edir ki, qadağalar bununla bitmir. Alkoqol qəbul etmək olmaz narkoz dərmanlarının təsirini gücləndirə bilər. Siqaret çəkmək risklidir ağciyərlərdə problemlər yarada və əməliyyatı çətinləşdirə bilər.
Güclü fiziki məşqlər məsləhət görülmür təzyiq və maddələr mübadiləsini artırır. Həmçinin qəbul etdiyiniz bütün dərmanlar barədə həkimə məlumat vermək vacibdir. Bəzi dərmanları özbaşına dayandırmaq təhlükəli ola bilər. Məsələn, təzyiq dərmanlarını dayandırmaq əməliyyat zamanı ciddi arterial yüksəlməyə səbəb ola bilər.
Niyə bütün məlumatları həkimə demək vacibdir?
Həkimlər bildirir ki:
Mövcud xəstəliklər
Qəbul olunan dərmanlar
Zərərli vərdişlər
Hətta menstruasiya haqqında məlumat vermək əməliyyatın təhlükəsizliyi üçün vacibdir. Beləliklə, narkozdan əvvəl yemək və su qadağası sadə bir qayda deyil, həyat üçün vacib təhlükəsizlik tədbiridir. Bu qaydalara əməl etmək ciddi fəsadların qarşısını ala bilər.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
