Solariumdan istifadə dəri xərçəngi riskini əhəmiyyətli dərəcədə artırır.
APA xəbər verir ki, bu barədə “The Mirror” qəzeti Böyük Britaniyanın Milli Səhiyyə Xidmətinə istinadən məlumat yayıb.
"Solariumdan qaralma cəmi bir neçə həftə davam edə bilər, lakin dəriyə dəyən zərər ömürlükdür. Solariumlar dərini yüksək dozada ultrabənövşəyi şüalanmaya məruz qoyur ki, bu da, xüsusən də gənclərdə melanoma və digər dəri xərçəngi riskini artırır", - məlumatda deyilir.
Məqalədə o da qeyd olunur ki, solariumdan qaralma D vitamini çatışmazlığını kompensasiya edə və ya heç bir dəri xəstəliyini müalicə edə bilməz.
Ümumdünya Səhiyyə Təşkilatına (ÜST) görə, 35 yaşından əvvəl solariumdan istifadə həyatın sonrakı dövrlərində melanoma inkişaf riskini 59% artırır.
Təşkilat solariumları siqaret çəkməklə müqayisə edilə bilən kanserogen kimi təsnif edir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
