Xanımlar üçün VACİB süfrə MƏDƏNİYYƏTİ

Zamanla hər kəs süfrə arxasında doğru əyləşməyi öyrənir. Məsələn, dirsəkləri masanın üzərinə qoymamaq, bıçağı sağ əllə tutmaq və.s Bir də xanımlara məxsus vacib qaydalar var.

Lent.az xarici KİV-ə istinadən xanımların süfrə arxasında necə davranmalı olduğunu təqdim edir:

Süfrə salfetlərində dodaq boyasının ləkəsi qalmamalıdır

Adətən, süfrə salfeti diz üzərinə sərilir və ehtiyac olduğu zaman ağzı silmək üçün istifadə edilir. Əgər dodaq boyasından istifadə etmisinizsə, o zaman ofsiantdan sizin üçün kağız salfet gətirməsini xahiş edin.

Əlinizlə toyuq yeyə bilərsiniz

Etik qaydalara görə rəsmi yemək dəvətlərində əti bıçaqla yemək lazımdır. Amma bəzi restoranlarda istisnalar var. Belə ki, əllə ət yemək istəyənlər üçün sonda bir qabda limonlu su qoyulur. Bu o deməkdir ki, yeməklər əllərinizlə yedikdən sonra limonlu su ilə barmaq qabında yuya bilərsiniz.

Makaron yemək üçün bir qaşıq lazımdır

Makaron yemək üçün sağ əldə çəngəl, sol əldə isə qaşıq olmalıdır. Spagetti bir çəngəl ilə götürün, qaşığın üzərinə qoyun və çevirin. Bundan sonra çəngəli ağızınıza gətirə və qaşıqla çəngəldən asılı olan makaronu tuta bilərsiniz.

Menyü masaya toxunmalıdır

Nə sifariş edəcəyinizi seçərkən, menyünü tutmağınıza diqqət edin. Ya masanın üstündə uzatmalı, ya da ən azı bir kənarı masaya toxunmalıdır. Menyünün masadan çıxarılması pis davranış sayılır.

Ətin hamısını eyni vaxtda kəsməyin

Qaydalar bir ət parçasını kəsib dərhal ağızınıza qoymağın lazım olduğunu söyləyir. Bütün ətləri bir dəfəyə kəsmək səhv hesab olunur, çünki tez soyuyur və dadını itirir.

Masanın üstündəki çörəyi dişləməyin

Masanın üzərindəki bir dilim çörək parçasını dişləməyin. Üstəlik, bıçaqla da kəsmək olmaz. Qaydalara görə kiçik bir çörək parçasını sağ əlinizlə qıraraq bütün hissəsini ağızınıza qoymalısınız.

“Çeri” pomidorunu bütöv halda yeyin

Salatın içərisində “çeri” pomidoru varsa, o zaman bıçaqla kəsilib, yeyilməlidir. Digər hallarda, bütöv halda ağıza qoyularaq yeyilir. Bəzən bu pomidorlar çox böyük ola bilər. Bu zaman ilk olaraq bıçaqla dərisini deşib, sonra kəsməlisiniz. Əks təqdirdə pomidorun suyu sizə çətin anlar yaşadacaq.