İtaliya mətbəxinə aid və olduqca qidalı hesab edilən tərəvəzli şorbanın hazırlanma mərhələləri təqdim olunub. Bu şorba həm sağlam, həm də doyumlu yemək axtaranlar üçün ideal seçim sayılır.
Lent.az bu resepti təqdim edir:
İlk mərhələdə tərəvəzlərin qovrulması həyata keçirilir. Bunun üçün böyük bir qazana 3 xörək qaşığı zeytun yağı əlavə edilərək qızdırılır. Daha sonra doğranmış soğan, kök və kərəviz əlavə olunaraq qarışıq təxminən 5 dəqiqə ərzində, davamlı qarışdırılmaqla qovrulur.
Növbəti mərhələdə şorbaya dad və ətir qatmaq məqsədilə xırdalanmış sarımsaq əlavə edilir və qarışıq daha 20 dəqiqə bişirilir. Bu proses tərəvəzlərin dadının tam açılmasına kömək edir. Əsas bişirmə mərhələsində isə pomidor, kartof, fenxel, noxud və təzə göyərtilər qazana əlavə olunur. Üzərinə elə su tökülür ki, maye səviyyəsi inqrediyentlərdən təxminən 2-3 santimetr yüksək olsun. Daha sonra şorba qaynama həddinə çatdırılır və od zəif rejimə endirilir.
Qapaqsız şəkildə, paxlalılar tam yumşalana qədər bişirilir. Bu proses adətən 1-1,5 saat davam edir. Lazım gəldikdə su əlavə etmək tövsiyə olunur. Son mərhələdə isə şorbaya fregola pastası, duz və istiot əlavə edilir. Pasta yumşalana qədər, təxminən 10 dəqiqə daha bişirilir. Hazır şorba boşqablara paylanır.
Süfrəyə təqdim olunmazdan əvvəl hər porsiyanın üzərinə bir qədər zeytun yağı əlavə edilir və rəndələnmiş pekorino pendiri səpilir. Bu isə yeməyə xüsusi dad qatır.
Nuş olsun!
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
