“Oyuq” studiyası xeyriyyə konserti keçirəcək
15 oktyabr 2015 15:23 (UTC +04:00)

“Oyuq” studiyası xeyriyyə konserti keçirəcək

Noyabrın 5-də Abdulla Şaiq adına Azərbaycan Dövlət Kukla Teatrı nəzdində fəaliyyət göstərən “Oyuq” teatr-studiyası daha bir xeyriyyə konsert-tamaşasına hazırlaşır. Teatrın mətbuat xidmətindən Lent.az-a verilən məlumata görə, bu dəfə balaca teatr həvəskarları həmyaşıdlarını 9 noyabr – Azərbaycan Dövlət Bayrağı günü münasibətilə öz ətraflarına toplayacaqlar.

 

UNİMA Azərbaycan Milli Mərkəzinin dəstəyi ilə keçiriləcək bayram tədbirində balaca istedadların ifasında “Yatmış gözəl” adlı tamaşa təqdim olunacaq. Dünya ədəbiyyatından məşhur əsər əsasında yazıçı Səidə Haqverdiyevanın səhnələşdirdiyi və Cəmilə Allahverdiyevanın quruluş verdiyi 2 saatlıq tamaşa-konsertdə Azərbaycan və dünya nağıl qəhrəmanlarının  vəhdətdə təqdimatı nəzərdə tutulur.

 

Proqramda studiyanın fəalları Aylin Nəcəfli, Selcan Museyibova, Tunar İsa, Nazim Hacıyev və digərləri çıxış edəcək. Xeyriyyə konsert-tamaşasına Bakının internat məktəbi və uşaq evlərindən balacalar da dəvət olunacaq.

# 264
avatar

Oxşar yazılar