Azərbaycan İstiqlal Muzeyində 20 Yanvar faciəsinin 26-cı ildönümünə həsr olunmuş “Vətən şəhidləri ilə ucalır” adlı tədbir-sərgi təşkil olunacaq. Lent.az-ın məlumatına görə, tədbir Azərbaycan Respublikası Prezident Administrasiyası rəhbərinin sərəncamı ilə “20 Yanvar faciəsinin iyirmi altıncı ildönümünün keçirilməsi ilə bağlı tədbirlər planı”na əsasən Mədəniyyət və Turizm Nazirliyi və İstiqlal Muzeyi tərəfindən reallaşır.
Ekspozisiyada Vaqif Mustafazadə adına 2 saylı uşaq incəsənət məktəbi və Qara Qarayev adına Mərkəzi İncəsənət Məktəbinin şagirdlərinin 40-a yaxın rəsm əsərləri nümayiş olunacaq. Tədbirdə tamaşaçılara şagirdlərin hazırladığı bədii kompozisiya və 20 Yanvar faciəsinə həsr olunmuş filmlər təqdim olunacaq, şəhidlərin şəxsi əşyaları sərgilənəcək.
Tədbir saat 12:00-da başlanacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
