Əməkdar artist ağır ürək əməliyyat keçirdi - Arvadı danışdı
11 yanvar 2023 17:00 (UTC +04:00)

Əməkdar artist ağır ürək əməliyyat keçirdi - Arvadı danışdı

 Əməkdar artist Vahid Əliyev ürəyindən əməliyyat olunub.

 Bu barədə Lent.az-a aktyorun həyat yoldaşı, Azərbaycan Dövlət Gənc Tamaşaçılar Teatrının əməkdaşı Tamilla Əliyeva məlumat verib. O bildirib ki, həyat yoldaşının müalicəsi ilə Mərkəzi Klinikanın həkimləri məşğul olur. 

Tamilla xanım qeyd edib ki, ötən ilin dekabr ayında Vahid Əliyev infarkt keçirdiyinə görə, ürəyində 3 damar tıxanmışdı.

 Əməliyyatla problem aradan qaldırılıb.

“Əməliyyat 2 gün öncə olub. Artıq bu gün süni tənəffüs aparatından ayırıb, palataya köçürüblər. Bizi yanına buraxmırlar. Həkimlərin dediyinə görə, vəziyyəti sabitdir. Sağ olsunlar, teatrdan da maraqlanıblar, maddi yardım göstəriblər. Mənə heç nə lazım deyil, bircə Vahid sağalıb ayağa qalxsın” deyə o qeyd edib.

# 1836
avatar

İlhamə HƏKİMOĞLU

Oxşar yazılar