Əgər qaynadılmış yumurtanın sarısının ətrafında yaşılımtıl halqa əmələ gəlibsə, bu, yumurtanın həddindən artıq bişirildiyini göstərir. Mütəxəssislər bildirirlər ki, belə yumurtanı yemək tövsiyə olunmur.
Lent.az xəbər verir ki, yumurta ən faydalı qidalardan biri hesab olunur. Onun tərkibində çoxlu vitaminlər, minerallar və amin turşuları var. Lakin məhsulun faydası onun necə hazırlanmasından birbaşa asılıdır. Həkimlər qeyd edirlər ki, qaynadılmış yumurta qızardılmışdan daha sağlam seçimdir. Ancaq həddindən artıq qaynadılmış yumurta orqanizm üçün zərərli ola bilər.
Nə baş verir?
Yumurtanı 10 dəqiqədən çox qaynatdıqda onun tərkibində bəzi birləşmələr yaranır ki, bu da sağlamlıq üçün arzuolunmazdır. Həddindən artıq bişirildiyini göstərən əsas əlamət sarının üzərində yaşıl təbəqənin əmələ gəlməsidir. Bu, istilik təsiri nəticəsində yaranan bir kimyəvi reaksiyanın nəticəsidir. Uzun müddət istilik təsiri zamanı yumurtanın sarısından hidrogen ayrılır və o, ağ hissəyə keçir. Daha sonra bu maddə sarıda olan dəmirlə reaksiyaya girərək dəmir sulfidi əmələ gətirir. Məhz dəmir sulfidi sarının səthini yaşıl rəngə boyayır.
Dəmir sulfidi təhlükəlidirmi?
Mütəxəssislər bildirirlər ki, sulfid birləşmələrinin çox miqdarda qəbulu orqanizm üçün arzuolunmaz təsir göstərə bilər. Qaynama müddəti artdıqca yumurtada bu maddələrin miqdarı da artır. Bundan əlavə, uzun müddət qaynadılmış yumurtanın dadı və teksturası da pisləşir – sarı hissə quruyur, ağ hissə isə sərtləşir.
Necə düzgün qaynatmaq olar?
Yumurtanı orta ölçüdə olduqda 8-10 dəqiqədən artıq qaynatmayın.
Qaynama bitdikdən dərhal sonra yumurtaları soyuq suya qoyun.
Bu, həm bişmə prosesini dayandırır, həm də yaşıl halqanın yaranmasının qarşısını alır.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
