Sevda Ələkbərzadə Flora Kərimovaya cavab qaytardı

"O, öz ifası ilə “Sarı gəlin”i çobana bənzədir”. Lent.az-ın məlumatına görə, bunu xalq artisti Flora Kərimova “Sarı gəlin” mahnısını yeni versiyada ifa edən Sevda Ələkbərzadənin ünvanına söyləyib. Belə ki, xalq artisti ANS Telekanalının “Şou-biz” verilişində müğənni Sevda Ələkbərzadənin ünvanına sərt ittihamlar səsləndirib. “Sevda, sən böyük qələt edib deyirsən ki, mən “Sarı gəlini” başqa versiyada oxumuşam. Bu mahnının heç bir ikinci variant yoxdur. Onun ifası tamamilə yanlışdır. Sözlərin vurğusunun düzgün qoyulmamağı, yerində işlədilməməyi ciddi məna pozuntusuna gətirib çıxarır. Sevda bilməlidir ki, hər bir sözün öz mahiyyəti var. O, öz ifası ilə Sarı gəlini çobana bənzədir”.

Xalq artisti Flora Kərimovanın ittihamlarına həmkarı Sevda Ələkbərzadənin cavabı gecikməyib. Lent.az-a açıqlama verən müğənni bildirib ki, həmkarının onun barədə söylədiyi fikirləri eşitməyib. “ Mənim barəmdə söylənilən ittihamları eşitməmişəm. Amma deyə bilərəm ki, məni heç kim təhqir edə bilməz. Onun sözlərinə başqa bir şərh vermək istəmirəm”, - deyə müğənni bildirib.