Röyanın “Bəlkə də”si Türkiyədə

Müğənni Röya Ayxan Türkiyədə yaradıcılığını davam etdirir. Müğənni bu dəfə qardaş ölkənin musiqi dünyasına “Bəlkə də” kompozisiyasını çıxarmaq niyyətindədir. Lent.az-ın məlumatına görə, müğənnin ifa etdiyi bu mahnı Türkiyədə üçüncü dəfə aranjeman olunacaq. “Bəlkə də”nin musiqisi bəstəkar Pərviz Mahmudov, sözləri Leyli İsrafilovaya məxsusdur. Mahnının bəstəkarı P. Mahmudov mahnının Türkiyədə də seviləcəyinə əmin olduğunu deyib.