Prodüser Təranə: “Ramalla əlbəyaxa olmamışam”

Ötən gün radio aparıcısı Kazımın doğum günündə müğənni Ramal İsrafilov ilə prodüser Təranə Səmədova arasında əlbəyaxa davanın düşdüyü iddia olunur. Buna səbəb kimi prodüser Təranənin söylədiyi fikirlərin Ramalı qane etməməsi göstərilir. Bununla bağlı Lent.az-a açıqlama verən prodüser bildirib ki, söylənənlər həqiqəti əks etdirmir: “Ramalla əlbəyaxa dava etməyim barədə deyilənlər yalandır. Qadın xeylağıyam. Nə dava? Mən əlbəyaxa dava edənəm? Bu şayiəni yazanlar jurnalist adına hörmət etməyən və ətəyimdən tutub özlərini reklam etmək istəyən insanlardır. Mənimsə bu şayiəni yazanı reklam etmək niyyətim yoxdur”.