“Bu şəhərdə”nin Coşqunu kimləri geridə qalmış adlandırdı?

“Bu şəhərdə” qrupunun aktyoru Coşqun Rəhimov onları tənqid edən həmkarlarına sərt ismarış göndərib. Lent.az-a açıqlama verən aktyor onları tənqid edən sənətçilərin geridə qaldığını söyləyib: “Biz aktyoruq. Səhnədə qadın obrazında da oynaya bilərik. Biz neçə nəfərik ki? İki nəfər olduğumuza görə bütün obrazları özümüz canlandırırıq. Əsas odur ki, bizim işimizi tamaşaçı bəyənir. Digərləri kimi məcburi tamaşaçı yığmırıq ki? Bizi tənqid edən həmkarlarım, gedin bir tamaşada rol alın, oynayın və görün tamaşaçı sizin tamaşanıza gələcəkmi? Gəlmirsə, bunun səbəbi tamaşaçıda deyil, aktyorun özündədir. Özünüzü müzakirə edin. Hər gün bizi baltalayırlar. Bunun əvəzinə iş görün. Müzakirə etdiyiniz bəs edər”.