Daim yuxusuzluq yaşayırsınız və oyandıqdan sonra yenidən yata bilmirsinizsə, bu məşqlərlə məşğul olun. Pensilvaniya Universitetinin araşdırması nəticəsində məlum olub ki, yuxusuzluqdan əziyyət çəkən insanlar qeyd etdiyimiz 5 məşqlərdən birini yerinə yetirərlərsə, daha rahat yata bilərlər.
Lent.az Türkiyə mətbuatına istinadən həmin məşqləri təqdim edir:
Ağırlıq qaldırma
Ağırlığı qaldırmaq çətin görünsə də, hər kəs üçün faydaları var. Yuxusuzluqdan əziyyət çəkənlərə bu idman növü kömək edəcək.
Qaçmaq
Stresə düşdüyünüz zaman və ya mənfi fikirlərdən uzaqlaşmaq üçün, qaçmaq zehninizi təmizləyə və rahatlamağa kömək edə bilər. Cəmi 20 dəqiqə qaçmaq daha rahat bir yuxu gətirər.
Gəzmək
Qaçmaq sizi yorursa, bunun əvəzinə təmiz havada gəzə bilərsiz. Xüsusilə axşam yeməyindən sonra gəzinti həzmə də kömək edəcəkdir.
Yoqa
Yoqa ilə məşğul olmaq beyninizə rahatlıq gətirəcək. Bunun üçün evinizin bir küncündə şam yandıraraq, özünüzü sakitliyə istiqamətləndirməklə günə başlaya bilərsiniz.
Bağ işləri
Bağ işləri ilə məşğul olmaq da güclü məşqə bərabərdir. Sağlam və dinc bir yuxu üçün həmişə bağ işlərinə vaxt ayırın.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
