Mənzil alacağınız binada bu yoxdursa, uzaq durun!

Qış aylarında bir çox ailələr istilik üçün yüksək məbləğdə qaz və işıq pulu ödəyirlər. Yüksək xərcin bir səbəbi düzgün qənaətin təmin edilməməsidirsə, digər bir səbəbi də mənzilin yerləşdiyi binanın xarici cəbhəsində (fasadında) istilik izolyasiyasının olmaması ola bilər.

Evi soyuqdan qorumağın ən yaxşı üsulu bayırdan izolyasiyadır. Əgər mənzil alacağınız binada izolyasiya yoxdursa, həmin mənzili almaqdan imtina etməyiniz doğru qərar olar. Yoxsa hər qış istilik ilə bağlı yüksək xərclər sizi təngə gətirəcəkdir.

Qeyd edək ki, Bakıda bir sıra tikinti şirkətləri binaları adi suvaq və ya Ağlay ilə üzləyirlər. Bu mənzillərdə qışda istiliyin, yayda isə sərinliyin itməməsinə kömək etsə də, mükəmməl nəticə vermir.

KRİSTAL ABŞERON DÜNYADA ƏN GENİŞ YAYILMIŞ İZOLYASİYA MATERİALINI İSTİFADƏ EDİR

Artıq Bakıda bir neçə tikinti şirkəti izolyasiyada daş yundan istifadə edirlər. Məsələn, Bakı və Sumqayıtda mənzil tikinti ilə məşğul olan “Xəzər İnşaat” və “Kristal Abşeron” şirkətlərinin binaları daş yun ilə üzlənir. Bu da gələcək sakinlərin komfortlu və daha aşağı xərclə yaşayacağına təminatdır.

“TexnoFas” adı verilmiş daş yun materialı Rusiya Federasiyasının Ryazan şəhərində “TexnoNİKOL” şirkəti tərəfindən istehsal edilir. Daş yun dünyada ən geniş yayılmış istilik izolyasiya materialı hesab olunur.

Daş yunu materialı bazalt qrupuna daxil olan vulkanik mənşəli daşların 1500 – 1800 dərəcədə xüsusi sobalarda əridilərək plazma halına salınmaqla istehsal olunur. Plazma şəkilli daş xüsusi 3 dəlikli qurğudan keçir və soyuması nəticəsində pambıq şəkilli hala düşür. Sonradan isə bu material xüsusi presslər vasitəsi ilə sıxılaraq ehtiyyac olan sıxlıqlar alınır.

“TexnoFas” materialı xüsusi olaraq nazik qatlı dekorativ suvaq sistemi ilə inşa olunan fasadlarda istifadə olunması üçün istehsal olunur. Bu materialın orta sıxlığı 145 kq/m3 hesab edilir. Müxtəlif qalınlıqlarda olmaq şərti ilə 50,100,200 mm qalınlıqda olur. Materialın əsas texniki özəlliyi onun qatların ayrılma gücüdür. Daş yununun üzərinə bir başa möhkəmləndirici qat və dekorativ suvaq qatı vurulduğuna görə onun qatlarının yük götürmə göstəricisi bu cür sistemlərdə böyük rol oynayır.

EVİNİZ “NƏFƏS ALIR”

Təbii daşların əridilməsi sayəsində əmələ gəldiyindən Daş yun ekoloji olaraq ən təmiz məhsul sayılır.

Kristal Abşeron MTK-nın istifadə etdiyi fasad izolyasiya materialı daş əsaslı olduğuna görə, daş yun heç bir halda yanmır. Bu da yüzlərlə insanın həyatı baxımından böyük üstünlükdür.

Daş yun material məsaməli olduğuna görə nəfəs alır və buna görə də daxili məkanlarda heç vaxt nəmişlik və qaralma müşahidə olunmur.

Daş yun istifadə olunan qalınlıqdan asılı olaraq effektiv istilik və soyuqluğa qarşı əvəzsiz izolyasiya materialıdır. Qeyd edək ki, 50 mm (5 sm) daş yunu materialı fasadda 800 mm (80 sm) içi boşluqlu kərpici əvəz edir. Bu cür sistemlə qurulmuş fasad ən azı 25 il təmirsiz olaraq xidmət göstərə bilir.

Kristal Abşeron layihələrində daş yundan istifadə olunmaqla fasad inşa olunduqda bir neçə qatqılardan və materiallardan - yapışdırıcıdan, bərkidicidən, fasad setkasından, üst möhkəmləndirici qatdan və dekorativ suvaq qatından istifadə olunur.

Elektrik, təbii qaz və istilik xidmətlərinin ildən – ilə bahalaşdığı bir dövrdə qənaət etmək məcburiyyətindəyik. Qışda istilik xərclərini azaltmağın yollarından biri fasadı daş yunla izolyasiya olnmuş binadan mənzil almaqdır!