Yasamal rayonunun Tbilisi prospektinde yeraltı qaz xəttində aşkar olunmuş qaz sızmasının ləğv edilməsi məqsədilə dekanrın 4-ü saat 23:00-dan etibarən işlər yekunlaşanadək qaz təchizatı dayandırılacaq. Təmir-bərpa işləri aparılan müddətdə Tbilisi prospektinin bir hissəsinin, "Şakir" MTK-nın, 1-ci Alatava ərazisinin bir hissəsinin, Diaqnostika, Aztelecom, Azercell, N.Tusi klinikası ərazilərinin qaz təchizatında fasilə yaranacaq.
"Azəriqaz"dan "Lent.az-a verilən məlumata görə, həmçinin dekabrın 5-i saat 10:00-dan etibarən Xəzər rayonu, Şüvəlan qəsəbəsi, Mayak bağları ərazisində yeni çəkilmiş qaz xəttinin mövcud şəbəkəyə qoşulması məqsədilə qaz təchizatı dayandırılacaq. Qaz təchizatı dayandırılan müddətdə Şüvəlan qəsəbəsinin bir hissəsinin qaz təchizatında fasilə yaranacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
