"Bakcell" “Milli KSM Mükafatı 2020”nin qalibləri sırasında
22 noyabr 2021 11:21 (UTC +04:00)

"Bakcell" “Milli KSM Mükafatı 2020”nin qalibləri sırasında

Şirkətin pandemiya ilə mübarizəyə töhfəsi yüksək qiymətləndirilib

"Bakcell" şirkəti “Milli KSM Mükafatı 2020”-nin qalibi elan olunub. “Yaxşı səhiyyə və Rifah” nominasiyasında təqdim edilmiş bu mükafat şirkətin xüsusi karantin rejimi dövründə Azərbaycan vətəndaşlarına dəstək göstərmək məqsədilə həyata keçirdiyi genişmiqyaslı tədbirlər planı çərçivəsində görülən işlərə görə təqdim edilib.

"Bakcell" Koronavirusla Mübarizəyə Dəstək Fonduna 1.5 milyon manat ianə etməklə yanaşı, Azərbaycana süni tənəffüs aparatları, bədən hərarətini məsafədən ölçən xüsusi keçid-buraxılış avadanlıqları, eləcə də koronavirusa yoluxmanı yerindəcə müəyyən etməyə imkan verən ekspress-testlərin gətirilməsi üçün iri həcmdə vəsait ayırıb. Bütün karantin mərkəzlərində çalışan həkimlərə və müxtəlif karantin mərkəzlərindəki vətəndaşlarımıza "Bakcell" tərəfindən ödəmə kartları hədiyyə olunub. Şirkət Bakının Binə qəsəbəsində yaşayan 650 aztəminatlı ailə üçün ərzaq yardımı proqramı həyata keçirib.

Bununla yanaşı, pandemiya dövründə abunəçi və əməkdaşlarının təhlükəsizliyini qorumaq, bu sahədə maarifləndirməni həyata keçirmək məqsədilə "Bakcell" uzunmüddətli məlumatlandırma və kommunikasiya proqramları həyata keçirib. Həmçinin, "Bakcell" öz əməkdaşlarına evdən işləmək üçün lazımi şərait yaradıb. 

Artıq 3-cü dəfə təşkil edilən “Milli KSM Mükafatı” müsabiqəsinin əsas məqsədi dövlət siyasətinin, Heydər Əliyev Fondunun həyata keçirdiyi sosial layihələrin davamı olaraq ölkəmizdə həyata keçirilən Korporativ Sosial Məsuliyyət layihələrinin və xeyriyyəçilik təşəbbüslərinin artmasına təkan vermək, həmçinin KSM layihələr həyata keçirən şirkətlərin fəaliyyətini daha geniş miqyasda təqdir etməkdir.

“Milli KSM Mükafatı 2020”-nin qaliblərini müəyyən edən Komissiyanın tərkibinə Azərbaycan Respublikası İqtisadiyyat Nazirliyi, Azərbaycan Respublikası Əmək və Əhalinin Sosial Müdafiəsi Nazirliyi, Azərbaycan Respublikası Təhsil Nazirliyi, Azərbaycan Respublikası Ekologiya və Təbii Sərvətlər Nazirliyi, Asan Xidmət, Ailə, Qadın və Uşaq Problemləri üzrə Dövlət Komitəsi, Azərbaycan Respublikası Sahibkarlar (İşəgötürənlər) Təşkilatları Milli Konfederasiyası, Azərbaycanda Qadın Sahibkarlığın İnkişafı Assosiasiyası (AQSİA) və Proaktiv PR Agentliyinin nümayəndələri daxil olub.

Qeyd edək ki, 2020-ci il ərzində həyata keçirilmiş sosial layihələr aidiyyəti dövlət qurumlarının nümayəndələri tərəfindən təhlil edilərkən BMT-nin Dayanıqlı İnkişaf Məqsədləri əsas götürülüb.

# 1128
avatar

Oxşar yazılar

Sənədsiz evlərin aqibəti necə olacaq? - SƏDR AÇIQLADI

Sənədsiz evlərin aqibəti necə olacaq? - SƏDR AÇIQLADI

7 fevral 2023 , 11:42
Mikayıl Cabbarov Naxçıvana gedib

Mikayıl Cabbarov Naxçıvana gedib

7 fevral 2023 , 09:27
"Azəriqaz"da növbəti görüş Mingəçevirdə  OLACAQ

"Azəriqaz"da növbəti görüş Mingəçevirdə OLACAQ

6 fevral 2023 , 17:24
"Azəriqaz"dan həftəlik STATİSTİKA -  VİDEO

"Azəriqaz"dan həftəlik STATİSTİKA - VİDEO

6 fevral 2023 , 16:51
"Azercell"dən Türkiyədəki abunəçilərinə dəstək!

"Azercell"dən Türkiyədəki abunəçilərinə dəstək!

6 fevral 2023 , 16:21
“Nar” Türkiyədə olan abunəçilərinin balansına internet və danışıq dəqiqələri əlavə edir

“Nar” Türkiyədə olan abunəçilərinin balansına internet və danışıq dəqiqələri əlavə edir

6 fevral 2023 , 13:03
"Bakcell" Türkiyədəki abunəçilərinə dəstək göstərdi

"Bakcell" Türkiyədəki abunəçilərinə dəstək göstərdi

6 fevral 2023 , 12:29
"Kapital Bank" yenə də müştərilərin kreditini ödəyəcək

"Kapital Bank" yenə də müştərilərin kreditini ödəyəcək

6 fevral 2023 , 10:46