Qarabağda yeraltı hərbi kommunikasiyaların geofiziki tədqiqatı aparılacaq - RƏSMİ

Qarabağ ərazisindəki mövcud yeraltı hərbi kommunikasiyaların geofiziki üsullarla aşkarlanması üzrə tədqiqatlar aparılacaq.

AMEA-dan Lent.az-a verilən məlumata görə, bu barədə Geologiya və Geofizika İnstitutunun (GGİ) Elmi şurasının iclasında müzakirə olunan akademik Fəxrəddin Qədirovun “Qarabağ ərazisində mövcud yeraltı hərbi kommunikasiyaların geofiziki üsullarla aşkar edilməsi və geoloji təhlükələrin qiymətləndirilməsi” mövzusunda elmi-tədqiqat işinin proqramında yer alıb. Məsələ ilə bağlı geniş müzakirələr aparılıb, təkliflər səsləndirilib.