Moskva-Bakı marşrutu ilə təyyarə reysləri bərpa olundu
28 dekabr 2010 14:55 (UTC +04:00)

Moskva-Bakı marşrutu ilə təyyarə reysləri bərpa olundu

“Saat 11:55-də “Şeremetyevo” aeroportundan “Aeroflot” şirkətinin, saat 12:55-də isə “Domodedovo” hava limanından “MOV” aviaşirkətinin təyyarələri Bakı istiqamətində havaya qalxıb. Bu gün “Domodedovo” aerovağzalından Moskva-Bakı marşrutu üzrə daha bir aviareys yerinə yetiriləcək ki, onu da Rusiyanın “SVR” şirkəti həyata keçirəcək. Sözügedən aviareysin nə vaxt yerinə yetiriləcəyi hələ müəyyənləşməyib”, - deyə hava limanından bildirilib.

Bakı aeroportundan həmçinin bildirilib ki, hazırda “Domodedovo” hava limanında “Azərbaycan Hava Yolları” QSC-nin Moskva-Bakı aviareysinə hazırlıq işləri görülür və bu reys 14:45-də uçmalıdır: “Bundan başqa, “Aeroflot” şirkəti Moskva-Bakı marşrutu üzrə aviareysə “Şeremetyevo” aeroportunda hazırlıq işləri aparır”.

Qeyd edək ki, son günlər ərzində Moskvanın “Domodedovo” və “Şeremetyevo” aeroportlarında elektrik enerjisinin verilməsi və pis hava şəraiti ilə bağlı yaranan problemlərlə əlaqədar uçuşlar qeyri-müntəzəm yerinə yetirilir.
1 2 3 4 5 İDMAN XƏBƏRLƏRİ
# 1036

Oxşar yazılar