Zidan: "Onun etdikləri inanılmazdır"

Fransa yığmasının sabiq üzvü, əfsanəvi futbolçu Zinəddin Zidan mətbuata açıqlamasında həmyerlisi Pol Poqba haqda danışıb. Lent.az-ın məlumatına görə, “Zizu” “Yuventus”da çıxış edən 21 yaşlı yarımmüdafiəçini tərifləyib: “Poqbanın bu yaşda etdikləri inanılmazdır. Bəlkə də onun haqda həddindən çox danışırlar, ancaq Pol bu tempdə davam etsə, futbol tarixinin ən güclü oyunçularından birinə çevriləcək. Poqba özündə Klod Makelele və Patrik Vieyranın keyfiyyətlərini birləşdirir. Əgər baş məşqçisi olsaydım, mən onu yarımmüdafiənin mərkəzində hücumameyilli oynadardım. Poqba nə vaxtsa “Real”a keçəcəkmi? Bunu zaman göstərəcək”.