Dünya çempionatlarının rekordçusu fikrindən dönmür
“Latsio”nun hücumçusu Miroslav Kloze Almaniya yığmasına dönmək haqda düşünmür. Lent.az saytının məlumatına görə, 16 qolla dünya çempionatları tarixinin ən məhsuldar futbolçusu olan Kloze qərarında qətidir.
DÇ-2014-dən sonra yığma karyerasını bitirən Polşa əsilli hücumçu fikrini belə izah edib: “Mən milli karyeramı bitirməyə qərar verdim və qərarımın arxasındayam. Yığmaya qayıtmaqdansa, bir şüşə pivə və ya şərab götürüb, karyeram ərzində etdiklərimi yadıma salaram. Yığmada 137 oyun keçirmişəm. Dayanmaq üçün ən ideal məqamdı. Düzdü, karyeramı hələ bitirməmişəm. Amma millidə yenidən çıxış etməyəcəyim dəqiqdi”.
Qeyd edək ki, 2001-2014-cü illər ərzində Almaniya yığmasının şərəfini qorumuş Kloze 137 oyunda 71 qola imza atıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
