Türkiyədə ilk dəfə olaraq hicablı qadın hakim futbol matçına təyinat alıb. Lent.az-ın qol.az-a istinadən verdiyi məlumata görə, FİFA-nın oktyabr ayında qəbul etdiyi yeni qərardan sonra Türkiyədə bu yenilik tətbiq olunmağa başlayıb. Buhra Yurdakul adlı gənc xanım U-15 liqasında "Demirspor"- “Sandıklıspor” matçında yan xətt hakimi vəzifəsini yerinə yetirib. Buhra uzun qollu, qara rəngli hakim forması geyiniz və hicab taxıb. Türkiyə futbol tarixinə keçən B.Yurdakul 1 ildir ki, bu anı gözlədiyini deyib: "FİFA-nın yeni qərarından sonra meydana hicabla çıxa bildim. Çox xoşbəxtəm. Xəyallarım gerçək oldu”.
Qeyd edək ki, FİFA-nın yeni qərarına əsasən, qadın hakimlər və futbolçuların meydana hicabla çıxmasına icazə verilir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
