"Bu xəbər mənə çox ağır gəldi, ancaq "Araz Naxçıvan"ın dağılacağına inanmıram".
Lent.az-ın məlumatına görə, bu sözləri qol.az saytına açıqlamasında "Araz"ın sabiq futbolçusu və baş məşqçisi Böyükağa Hacıyev deyib.
"Araz Naxçıvan" klubunun fəaliyyətini dayandırması ilə bağlı verdiyi bəyanata münasibət bildirən təcrübəli mütəxəssis sabiq komandasının dağılacağına inanmadığını bildirib: "Görəcəksiniz, “Araz Naxçıvan” dağılmayacaq. Bu, heç vaxt baş verməyəcək. Siz bu həftənin sonuna qədər səbr edin. Bu kamançanın səsi həftəsonu çıxacaq. Hazırda Naxçıvandan uzaqdayam. Klubda baş verənlərdən xəbərdar deyiləm. Məncə, Muxtar Respublika rəhbərliyi buna imkan verməyəcək, lazım olan qərarı çıxaracaq".
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
