“Real”ın futbolçusu dilə gəldi: “Yorulmuşam, yayı gözləyirəm”

Madrid “Real”ının almaniyalı futbolçusu Toni Kroos maraqlı açıqlaması ilə diqqət çəkib. Lent.az-ın məlumatına görə, 24 yaşlı yarımmüdafiəçi sıx oyun qrafikindən gileylənərək, istirahət etmək istədiyini bildirib: “Yayı səbirsizliklə gözləyirəm. Bu il dincəlmək imkanım olmadı. Ötən mövsümün ikinci dövrəsində “Bavariya”nın heyətində bütün oyunlarda iştirak etdim. Ardınca Almaniya yığması ilə dünya çempionatına yollandım. “Real”a transfer olunandan dərhal sonra Superkubok matçında iştirak etdim. Bir sözlə, heç dincəlmədim. Almaniyadan fərqli olaraq, İspaniya çempionatında yanvarda fasilə olmur. Buna görə də məcburən yayı gözləməliyəm”.