"Barselona"nın keçmiş baş məşqçisi Xavi hazırkı baş məşqçi Paulo Fonseka istefa verəcəyi təqdirdə İtaliya "Milan"ına rəhbərlik edə bilər.
Lent.az xarici mediaya istinadla bildirir ki, Xavinin artıq “rossoneri” rəhbərliyi ilə əlaqələri var və A Seriya klubunu çalışdırmaq kontekstində müsbət düşünür.
Bundan əvvəl mediada Xavinin keçmiş “Barselona” tərəfdaşları Lionel Messi, Luis Suares, Xordi Alba və Serxio Busketsin çıxış etdiyi “İnter Mayami”yə rəhbərlik etməkdən imtina etdiyi barədə məlumatlar yayılıb.
Xatırladaq ki, Xavi ötən mövsümün sonunda Kataloniya klubunun baş məşqçi postunu tərk edib. Onun rəhbərliyi altında “Barselona” çempionluq və İspaniya Superkubokunu qazanıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
