Bu gün Azərbaycan kubokunda 1/4 final mərhələsinin ilk oyunlarına yekun vurulacaq.
Lent.azın Apasport.az saytına istinadla məlumatına görə, mərhələnin ikinci günündə 2 matç keçiriləcək.
Günə Bakıda start veriləcək. Paytaxt klubları “Zirə” və “Səbail” üz-üzə gələcək. Qəsəbə təmsilçisi iki dəfə kubokdan kənarlaşdırdığı autsayderi məğlub etməyə, qonaqlar tilsimi qırmağa çalışacaq.
İlk oyunlar çərçivəsində paytaxtdan kənarda baş tutacaq yeganə qarşılaşmaya Sumqayıt ev sahibliyi edəcək. Şəhərin eyniadlı komandası “Qəbələ”ni sınağa çəkəcək.
Qeyd edək ki, 1/4 final mərhələsinin ilk günündə “Qarabağ” – “Keşlə” (1:0) və “Neftçi” – “Sabah” (1:1) matçları keçirilib.
Azərbaycan kuboku
1/4 final, ilk oyunlar
2 fevral (çərşənbə)
17:00. “Zirə” – “Səbail”
Baş hakim: Kamal Umudlu
Zirə İdman Kompleksinin stadionu
19:15. “Sumqayıt” – “Qəbələ”
Baş hakim: Rauf Cabarov
“Kapital Bank Arena”
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
