“Sabah”ın baş məşqçisi Çində nədən ŞOKA düşüb?

“Sabah” klubunun baş məşqçisi Vasili Berezutski Çində işləyərkən şoka düşdüyünü bildirib.

Lent.az-ın xəbərinə görə, Berezutski bu haqda Moskvanın OMİK klubunun mətbuat xidmətinə müsahibəsində danışıb.

“Burada uşaqları döymək olar, bu mənim üçün normal deyil. Zaman-zaman valideynlərin kiçik uşağını təyyarədə vurduğunu görürəm. Nə edəcəyimi belə bilmirdim, hətta ilk dəfə çaşıb qalmışdım. Deməyəcəyəm ki, mən bunu dəfələrlə, amma üç-dörd dəfə görmüşəm”, – Berezutski bildirib.

2024-cü ilin yanvarında Vasili Berezutski "Şanxay Şenxua" klubunun baş məşqçisi Leonid Slutskinin köməkçisi olub. Mövsümün sonunda klub Çin çempionatında gümüş medal qazanıb.

Noyabrın 25-də Berezutski Azərbaycan klubu ilə 2,5 illik müqavilə imzalayaraq "Sabah"ın baş məşqçisi olub. “Sabah” Azərbaycan çempionatının turnir cədvəlində lider “Qarabağ”dan 15 xal geri qalaraq altıncı pillədə qərarlaşıb.