Portuqaliya millisinin və Səudiyyə Ərəbistanının “Əl-Nəsr” komandasının hücumçusu Kriştianu Ronaldo 30 illik yubileyindən sonra rəsmi oyunlarda 450 qol vurub.
Lent.az-ın xarici KİV-ə istinadla xəbərinə görə, o, bu göstəriciyə Asiya Çempionlar Liqasının 5-ci turunda “Əl-Qarafa” (Qətər) ilə oyunda dubl sayəsində çatıb. “Əl-Nəsr” 3:1 hesabı ilə qalib gəlib.
39 yaşlı futbolçu karyerası ərzində 913 qol vurub və bu göstəriciyə görə rekordçudur.
Bu mövsümdə Ronaldo “Əl-Nəsr”in heyətində 15 oyun keçirib, 12 qol vurub və 2 məhsuldar ötürmə edib. Onun Səudiyyə Ərəbistanı klubu ilə müqaviləsi 2025-ci ilin iyununa qədərdir.
“Transfermarkt” Ronaldonun transfer dəyərini 15 milyon avro qiymətləndirir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
