"Lester" Vardisiz çökdü - komanda üçüncü liqaya düşə bilər

"Lester" mövsümün bitməsinə iki ay yarım qalmış Çempionşipdən düşmə zonasındadır.

Lent.az-ın xarici mətbuata istinadən xəbərinə görə, 10 il əvvəl Premyer Liqanın qalibi olan klub indi 2002-ci ildən bəri ilk dəfə üçüncü liqaya düşməklə üzləşə bilər.

Bu eniş, keçən yay İtaliyaya gedən və Seriya A-da qalmaq uğrunda mübarizə aparan “Kremoneze” komandasında oynayan Ceymi Vardinin gedişindən dərhal sonra baş verib.

“Lester”in hələ də bu vəziyyətdən xilas olmaq şansı var; komanda “Oksford”, “Vest Bromviç”, “Portsmut” və “Blekbern”ə qarşı Çempionşipdə qalmaq uğrunda mübarizə aparır. Turnir cədvəli sıxdır.