“Real”ın baş məşqçisi Karlo Ançelotti və veteran futbolçu Luka Modriç “Kral klubu”nun tarixində ən titullu şəxslər olub.
Lent.az-ın xarici mediaya istinadən məlumatına görə, bu, italiyalı mütəxəssisin rəhbərlik etdiyi Madrid klubunun dekabrın 18-də FİFA Qitələrarası Kubokun finalında Meksikanın “Paçuka” klubuna qalib gəlməsindən (3:0) sonra məlum olub.
Karlo Ancelotti, keçmiş rekordçu Migel Munyosu (14) geridə qoyaraq, “Real”ın baş məşqçisi kimi 15-ci titulunu qazanıb.
Xorvatiyalı futbolçu Luka Modriç də “Kral klubu” ən çox kubok qazanma rekordunu yeniləyib, indi onun 28 mükafatı var.
39 yaşlı yarımmüdafiəçi komandanın tarixində ən çox medal qazanan futbolçu olub. Dani Karvahal (27) ikinci pilləyə enib, Naço (26) ilk üçlüyü tamamlayır.
“Real” üçün Qitələrarası Kubok 2024-cü ildə qazanılan beşinci tituldur.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
