Zaqatalada yol qəzası baş verib, ölən şəxsin kimliyi məlum olub

Martın 16-da saat 17 radələrində Zaqatala rayonunun Muxax kəndi ərazisində Elçin Məmmədovun idarə etdiyi “GAZ-24” markalı avtomobil və 1961-ci il təvəllüdlü İsmayıl Əminovun idarə etdiyi motosiklet toqquşub.

Nəticədə motosikletin sürücüsü, 1961-ci il təvəllüdlü İsmayılov Əminov aldığı xəsarətlərdən hadisə yerində ölüb.

DİN-in Mətbuat Xidmətinin Şəki regional qrupundan Lent.az-a bildirilib ki, ölümlə nəticələnən yol-nəqliyyat hadisəsi ilə bağlı cinayət işi başlanılıb, araşdırmalar aparılır.

***
19:59

Zaqatalada yol qəzası baş verib, ölən və xəsarət alan var.

Lent.az-ın APA-ya istinadən məlumatına görə, hadisə axşam saatlarında Zaqatala-Muxax-Yuxarı Çardaqlar avtomobil yolunun rayonun Muxax kəndindən keçən hissəsində baş verib. Qoşqulu motosikletlə Qaz-24 markalı minik avtomobili toqquşub. İlkin məlumata görə, motosikletçi aldığı ağır xəsarətlərdən dünyasını dəyişib. Daha bir nəfərin isə xəsarət aldığı bildirilir. Yaralı Zaqatala rayon Mərkəzi Xəstəxanasının (RMX) Cərrahiyyə şöbəsinə yerləşdirilib.

Faktla bağlı Zaqatala rayon Polis Şöbəsində araşdırma aparılır.