Rusiyanın Sankt-Peterburq şəhərinin Moskovskoye şossesində baş verən güclü yol qəzasında bir polis əməkdaşı həlak olub.
Lent.az yerli mediaya istinadla bildirir ki, qəzadan sonra son dərəcə ağır vəziyyətdə xəstəxanaya yerləşdirilən Puşkin rayon Daxili İşlər İdarəsinin patrul polisini həkimlər xilas edə bilməyib. O, xidməti avtomobilin sərnişin oturacağında olub.
Polis maşınının sürücüsü də ağır bədən xəsarətləri alıb və vəziyyəti ağır olaraq xəstəxanadadır. Bundan başqa, qəza nəticəsində müəssisələrdən birinin işçilərini daşıyan mikroavtobusda azı iki nəfər xəsarət alıb. Onların yüngül xəsarət aldığı bildirilir.
Qəzanın günahkarının 33 yaşlı “QAZel” sürücüsü olduğu deyilir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
