Salyanda avtomobilin vuraraq öldürdüyü FHN əməkdaşı dəfn olunub.
Lent.az APA-ya istinadla bildirir ki, dəfn mərasimində rayon ictimaiyyəti, FHN rəsmiləri və əməkdaşları, kənd sakinləri, mərhumun qohumları iştirak ediblər.
***
10:26
Fövqəladə Hallar Nazirliyi Salyanda yanğınsöndürmə əməkdaşının ölümü ilə bağlı məlumat yayıb.
FHN-dən Lent.az-a bildirilib ki, hadisə fevralın 21-də saat 6 radələrində Bakı-Astara magistral yolunda baş verib.
Avtomobildə baş vermiş yanğının söndürülməsi əməliyyatı zamanı xidməti vəzifələrini yerinə yetirərkən hərəkətdə olan yük avtomobilinin vurması nəticəsində Fövqəladə Hallar Nazirliyi Dövlət Yanğından Mühafizə Xidmətinin Şirvan Şəhər Yanğından Mühafizə Dəstəsinin əməkdaşı 42 yaşlı Piriyev Hakim Şahlar oğlu həyatını itirib, Salyan Rayon Yanğından Mühafizə Hissəsinin əməkdaşı 37 yaşlı Tağıyev Elşən İnsanağa oğlu müxtəlif dərəcəli bədən xəsarətləri alıb. E.Tağıyevin həyati təhlükəsi yoxdur.
Faktla bağlı aidiyyəti qurumlar tərəfindən araşdırma aparılır.
Hakim Piriyev
***
09:40
Salyanda yanan avtomobili söndürən Fövqəladə Hallar Nazirliyinin (FHN) əməkdaşlarını maşın vurub, biri ölüb.
Lent.az APA-ya istinadla xəbər verir ki, hadisə səhər saatlarında Ələt-Astara avtomobil yolunun Salyan rayonunun Kürsəngi kəndindən keçən hissəsində qeydə alınıb. Yanan “Mercedes” markalı yük avtomobilini söndürən FHN-in Salyan Yanğından Mühafizə Xidmətinin əməkdaşlarını avtomobil vurub.
Nəticədə 42 yaşlı Neftçala rayonunun Şorkənd kənd sakini Hakim Piriyev hadisə yerində ölüb. Digər əməkdaş xəstəxanaya yerləşdirlib.
Faktla bağlı araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
