Hindistanın paytaxtı Dehlidə yerləşən dövlət xəstəxanalarından birində faciəli hadisə baş verib.
Lent.az xarici KİV-ə istinadən xəbər verir ki, təcili yardım şöbəsində müalicə alan ağır vəziyyətdəki xəstənin üzərinə tavandan qopan ventilyator düşüb. Məlumata görə, hadisə Dehlidəki Quru Teq Bahadur Dövlət Xəstəxanasında qeydə alınıb. 4
2 yaşlı kişi arterial hipertenziya, meninqoensefalit və aspirasion pnevmoniya diaqnozları ilə xəstəxananın təcili yardım şöbəsində müalicə alırdı. Bildirilir ki, köhnə tavan ventilyatoru qəfil yerindən qoparaq birbaşa xəstənin çarpayısının üzərinə düşüb.
Hadisə tibb işçilərinin xəstəyə yardım göstərdiyi vaxt baş verib. Nəticədə xəstəyə qulluq edən tibb bacısı da xəsarət alıb. Hadisədən təxminən üç saat sonra 42 yaşlı kişinin ürəyi dayanıb və o, həyatını itirib.
Mərhumun ailə üzvləri göstərilən tibbi xidmətin keyfiyyətinə və hadisənin baş vermə şəraitinə etiraz ediblər. Xəstəxana rəhbərliyi isə insidentlə bağlı hələlik rəsmi açıqlama verməyib.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
