Qadın həbsxanaya alt paltarında nə keçirmək istəyib?
07 iyul 2014 13:24 (UTC +04:00)

Qadın həbsxanaya alt paltarında nə keçirmək istəyib?

Azərbaycanda cəzaçəkmə müəssisələrinə narkotik maddə və telefon keçirilməsinin qarşısı alınıb. Penitensiar xidmətin ictimaiyyətlə əlaqələr şöbəsindən Lent.az-a verilən xəbərə görə, 7 saylı cəzaçəkmə müəssisəsində cəza çəkən, CM-nin 126.2.2; 126.2.4; 221.2.1; 221.2.2; 221.3; 66.3 və 67.1 maddələrinə əsasən azadlıqdan məhrum edilmiş məhkum Arif Aydın oğlu Əliyevin yanına qısamüddətli görüşə gəlmiş tanışı vətəndaş Zeynəb Arzuman qızı Nağıyevanın gətirdiyi sovqata və üzərinə baxış keçirilib.

 

Ədliyyə Nazirliyinin Penitensiar xidmət əməkdaşları tərəfindən həyata keçirilmiş axtarış-baxış tədbirləri nəticəsində, Z.Nağıyevanın alt paltarında gizlətdiyi, ağ sellofana bükülmüş xalis çəkisi 4,590 qram olan narkotik vasitə “Tiryək” və xalis çəkisi 3,038 qram olan narkotik vasitə “Marixuana” aşkar edilərək götürülüb. 

11 saylı cəzaçəkmə müəssisəsində cəza çəkən, CM-nin 234.1 maddəsinə əsasən azadlıqdan məhrum edilmiş məhkum Ramil Xanputa oğlu Nağıyevin yanına qısamüddətli görüşə gəlmiş qohumu Çimnaz Fətulla qızı Nağıyevanın gətirdiyi sovqata və üzərinə baxış keçirilən zaman isə qadının əl çantasının iç cibində gizlətdiyi 1 (bir) ədəd “Nokia” markalı mobil telefon aparatı aşkar edilərək Ədliyyə Nazirliyinin Penitensiar xidmət əməkdaşları tərəfindən götürülüb. 
 

Hər iki faktla bağlı araşdırma aparılır. 

 

# 1417
avatar

Oxşar yazılar