Qax rayonunda mikroavtobus yanıb.
Lent.az-ın APA-ya istinadən məlumatına görə, hadisə Şəki-Qax avtomobil yolunun rayonun Əmbərçay kəndi ərazisindən keçən hissəsində qeydə alınıb.
Qax rayon sakini Xalid Xalis oğlu Tağıyevə məxsus "Mercedes Vito" markalı mikroavtobus hərəkətdə olarkən anidən alışıb. Yanğının söndürülməsi üçün əraziyə Fövqaladə Hallar Nazirliyinin (FHN) Qax rayon Dövlət Yanğından Mühafizə Hissəsinin texnikası və şəxsi heyəti cəlb edilib. Nəticədə mikroavtobus yanaraq yararsız vəziyyətə düşüb. Yanğın zamanı mikroavtobusda sərnişinlər olmayıb, xəsarət alan yoxdu.
Faktla bağlı araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
