Qatarın altında qaldı, ölmədi - Möcüzə kimi OLAY

Türkiyədə qatar relsinə düşən kişi möcüzə nəticəsində sağ qalıb.

Lent.az yerli mediaya istinadla bildirir ki, hadisə Bursa şəhərinin “Şehreküstü” metrostansiyasında baş verib.

Dərsdən çıxan iki şagird platformada zarafatlaşıblar. Bu zaman onlar qatar gözləyən 60 yaşlı Abdulkadir Kavaklıgilə dəyiblər. Nəticədə kişi müvazinətini itirərək relslərin üzərinə yıxılıb. Bu zaman da qatar stansiyaya daxil olub. Lakin maşınistin çevikliyi sayəsində möcüzə nəticəsində kişi əzilməkdən və ölümdən son anda qurtulub.

Yaşlı kişi xəstəxanaya aparılıb. Polis hadisə ilə bağlı araşdırmaya başlayıb.