İtalyan velosipedçi David Rebellin 51 yaşında vəfat edib.
Lent.az-ın xarici mediaya istinadla xəbərinə görə, idmançı noyabrın 30-da səhər saatlarında Viçensa yaxınlığında məşq zamanı dünyasını dəyişib.
Yerli nəşr olan “Il Gazzettino”nun məlumatına görə, Rebellini yük maşını vurub və dərhal ölüb. Sürücü faciə yerində dayanmayıb və qaçıb. Polis hadisəni araşdırır və yük maşınının sürücüsünün şəxsiyyətini müəyyənləşdirməyə çalışır.
Dünya kuboku və ProTour bir günlük yarışlarında 50 dəfədən çox ilk onluğa düşən Rebellin öz nəslinin ən güclü klassik mütəxəssislərindən biri hesab olunur. İtaliyalı Lej-Baston-Ley, Fleş Valon və Amstel Qold Reys yarışlarına qalib gəlib. O, 30 il davam edən karyerasını bitirdiyini yalnız 2022-ci il mövsümünün sonunda elan edib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
