Məhkəmə keçmiş diplomatı həbs etdi - YENİLƏNİB

Keçmiş diplomat Emin İbrahimov məhkəmə qarşısına çıxarılıb.

Lent.az xəbər verir ki, Nizami rayon Məhkəməsi Emin İbrahimov barəsində 4 ay müddətinə həbs qətimkan tədbiri seçib.

***

saat 14:24

Azərbaycanda iki gün əvvəl saxlanılan keçmiş diplomat Emin İbrahimovun nədə ittiham olunduğu məlum olub.

Lent.az-ın məlumatına görə, vəkil Aqil Layıc "Facebook" hesabında yazıb ki, ona Cinayət Məcəlləsinin 126.2.4 (xuliqanlıq niyyəti ilə sağlamlığa qəsdən ağız zərər vurmaq) və 221-cı (xuliqanlıq) maddələri ilə ittiham elan edilib.

"Emin hadisəni belə təsvir edir: "Xalqlar"da mənzilinin təmiri ilə bağlı evinə gedərkən, üstünə tanımadığı adam soxulub və paltarını cırıb. Üstündən saniyələr keçən kimi mülki geyimli polislər tərəfindən saxlanılıb və 24-cü polis bölməsinə aparılıb".

Vəkil həmçinin qeyd edib ki, E.İbrahimov birazdan Məhkəmə qarşısına çıxarılacaq.

***

22 iyul, saat 20:39

Keçmiş diplomat Emin İbrahimov saxlanılıb.

Lent.az xəbər verir ki, bu barədə vəkil Aqil Layıc "Facebook" hesabında məlumat paylaşıb.

Məlumata görə, o, adam bıçaqlayıb.

Daxili İşlər Nazirliyinin mətbuat Xxdmətinin rəisi, polis polkovnik-leytenantı Elşad Hacıyev həmin paylaşıma rəy bildirib.

"Belə bir hadisə baş verib. E.İbrahimov saxlanılıb. Bıçaq xəsarəti yetirdiyi şəxs xəstəxanaya yerləşdirilib. Araşdırma aparılır" , - E.Hacıyev qeyd edib.