Bakıda FACİƏ:  ana əməliyyatdan sonra öldü - YENİLƏNİB
29 iyul 2023 16:21 (UTC +04:00)

Bakıda FACİƏ: ana əməliyyatdan sonra öldü - YENİLƏNİB

TƏBİB Bakıda qeysəriyyə əməliyyatından sonra ölən ana barədə məlumat yayıb. 

TƏBİB-dən Lent.az-a bildirilib ki, Günay Ramiz qızı Qasımova 27.07.2023-cü il tarixində saat 12:06-da “Bağırsaq keçməzliyi” diaqnozu ilə Akademik M.Ə.Mirqasımov adına Respublika Klinik Xəstəxanasının Təcili Tibbi Yardım Bölməsinə daxil olub:

“Xəstənin vəziyyəti ağır olduğundan dərhal Reanimasiya şöbəsinə köçürülüb. Xəstə 28.07.2023-cü il tarixində saat 14:50-də əməliyyata alınıb. Aparılan tibbi  müdaxilələrə baxmayaraq, 29.07.2023-cü il tarixində saat 10:00-da xəstə Günay Qasımovanın bioloji ölümü baş verib. Qeyd edək ki, Günay Ramiz qızı Qasımova 05.06.2023-cü il tarixində Xəstəxanamızın Hamiləliyin Patologiya şöbəsində qeysəriyyə əməliyyatı olunub və artıq zahılıq dövrünü bitirib”.

***

saat 12:21

Bakıda qadın qeysəriyyə əməliyyatından sonra ölüb. 

Lent.az-ın məlumatına görə, hadisə Respublika Klinik Xəstəxanasında qeydə alınıb. 

Bir ay əvvəl xəstəxanaya doğuşla bağlı müraciət edən, 35 yaşlı Günay Qasımovanın üzərində qeysəriyyə əməliyyatı aparılıb. Əməliyyatdan sonra evə buraxılan ananın bir ay sonra vəziyyəti pisləşib. Yenidən əməliyyat olunduğu xəstəxanaya yerləşdirilən ananın həyatını xilas etmək mümkün olmayıb. 

Faktla bağlı araşdırma aparılır. 

# 4545
avatar

Xədicə Novruzova

Oxşar yazılar