Bakıda bəzi içkilər öldürücü spirtlə hazırlanıb - həyəcan TƏBİLİ
08 dekabr 2022 10:55 (UTC +04:00)

Bakıda bəzi içkilər öldürücü spirtlə hazırlanıb - həyəcan TƏBİLİ

Azərbaycan Respublikasının Qida Təhlükəsizliyi Agentliyi (AQTA) spirtli içkilərin kütləvi istehlakı ilə bağlı əhalini diqqətli olmağa çağırır.

AQTA-dan Lent.az-a verilən məlumatda bildirilir ki, bayram ərəfəsində kustar üsulla spirtli içki hazırlayaraq insan sağlamlığı və həyatı bahasına qazanc əldə etməyə çalışan “işbaz”lara rast gəlinir.

Son vaxtlar AQTA tərəfindən keçirilən monitorinq zamanı marketlərdə xeyli sayda saxtalaşdırılmış müxtəlif növ spirtli içki aşkarlanıb. Belə ki, cari ilin noyabr ayı ərzində keçirilən yoxlamalar zamanı 8 ticarət obyekti və 3 ictimai iaşə müəssisəsində, ümumilikdə, 406 ədəd saxta alkoqollu içki aşkar olunub. Bununla bağlı qanunvericiliyə uyğun müvafiq tədbirlər görülüb.

Adətən, belə məhsulların qablaşdırılmasında və markalanmasında uyğunsuzluqlar müəyyən edilir, keyfiyyət və təhlükəsizlik göstəricilərini təsdiq edən sənədlər (sertifikat, qaimə, faktura və s.) yoxlamaya təqdim olunmur.

Mütəxəssislərin rəyinə görə, kustar üsullarla saxta spirtli içkilərin hazırlanmasında metil (metanol) spirtindən istifadə edilir. İstehlakçıların zəhərlənməsinə səbəb olan metil texniki, sənaye spirtidir və onun qida kimi istifadə olunması yolverilməzdir. Bu zaman istehlakçılar güclü zəhərlənmə halları, hətta ölüm təhlükəsi ilə üzləşə bilərlər. Metil spirtinin az miqdarda qəbulu belə, orqanizmdə çox ciddi fəsadlara səbəb olur. Nəticədə mərkəzi sinir və mədə-bağırsaq sistemi, xüsusilə gözün torlu qişasını zədələməklə görmə ilə əlaqədar olan ağır fəsadlar yaradır. Qida üçün nəzərdə tutulmayan, insan sağlamlığına təhlükə yaradan maddələrin spirtli içki məhsullarının hazırlanmasında istifadə olunması qəti şəkildə yolverilməzdir, həmçinin vətəndaşların həyat və sağlamlığına qəsd törətdiyi üçün cinayət məsuliyyəti yaradır. Adətən, dələduzlar gizli və qapalı məkanlarda bu cür qanunsuz fəaliyyətlə məşğul olduğundan onların aşkarlanması və ifşa olunmasında vətəndaşların dəstəyinə və bu istiqamətdə ictimai nəzarətin gücləndirilməsinə ehtiyac var. Vətəndaşlardan belə qanunsuz hallarla bağlı aidiyyəti dövlət orqanlarına, o cümlədən Agentliyin “1003 – Çağrı Mərkəzi”nə məlumat vermələri xahiş olunur.

Bayram günlərində özlərinin və yaxınlarının həyatını təhlükəyə atmamaq, xoşagəlməz hallarla rastlaşmamaq üçün vətəndaşlar diqqətli olmalı, keyfiyyəti və təhlükəsizliyi şübhə doğuran, saxta spirtli içkiləri istehlak etməməlidirlər. Əhalidən xahiş olunur ki, ictimai iaşə, satış və digər məkanlardan qida məhsulları alarkən məhsulun qablaşdırmasına, etiket məlumatlarına diqqət yetirsinlər, qida təhlükəsizliyi sahəsində texniki normativ hüquqi aktlara uyğun sənədləri tələb etsinlər.

# 2487
avatar

Oxşar yazılar

Azərbaycanda bir ailənin üç üzvü qəzaya düşdü

Azərbaycanda bir ailənin üç üzvü qəzaya düşdü

27 yanvar 2023 , 22:29
Naxçıvanda  dəm qazından   zəhərlənmə: 40 yaşlı qadın...

Naxçıvanda dəm qazından zəhərlənmə: 40 yaşlı qadın...

27 yanvar 2023 , 21:57
Ölümcül xəstəliyə qarşı  PEYVƏND HAZIRLANDI

Ölümcül xəstəliyə qarşı PEYVƏND HAZIRLANDI

27 yanvar 2023 , 19:59
8 yaşlı uşağı çimərlikdə İLDIRIM VURDU

8 yaşlı uşağı çimərlikdə İLDIRIM VURDU

27 yanvar 2023 , 19:02
Bakıda evdən daha bir meyit tapıldı

Bakıda evdən daha bir meyit tapıldı

27 yanvar 2023 , 17:19
Ölkədən qovulan miqrant pilotu döydü

Ölkədən qovulan miqrant pilotu döydü

27 yanvar 2023 , 17:04
İrandakı səfirimiz TERRORDAN YAZDI:  "Bu acımasız terror..."

İrandakı səfirimiz TERRORDAN YAZDI: "Bu acımasız terror..."

27 yanvar 2023 , 15:27
Bakıda evdən meyit tapıldı

Bakıda evdən meyit tapıldı

27 yanvar 2023 , 15:20