Azərbaycanda rüşvət alan məktəb direktoru HƏBS EDİLDİ -YENİLƏNİB

Regional idarə Ağsu rayonu S.Mikayılov adına tam orta məktəbin direktorunun həbsi məsələsinə münasibət bildirib.

Lent.az Dağliq-şirvan regional təhsil idarəsinin açıqlamasını təqdim edir:

“Məlumat üçün bildiririk ki, Ağsu rayonu Rəhimli kənd S.Mikayılov adına tam orta məktəbin direktoru işləmiş Həsənov Fəxrəddin Həsənqulu oğlu əmək fəaliyyətində yol verdiyi nöqsanlara görə 03.07.2024-cü il tarixində tutduğu vəzifədən azad edilib.

Bununla yanaşı, Məktəbəqədər və Ümumi Təhsil üzrə Dövlət Agentliyi tərəfindən adıçəkilən təhsil müəssisəsində aparılmış yoxlama zamanı sabiq direktorun əmək fəaliyyəti dövründə dövlət əmlakını mənimsəməsi də aşkarlanıb və toplanmış materiallar hüquq-mühafizə orqanlarına təqdim edilib”.

***

10:42

Ağsu rayonu S.Mikayılov adına tam orta məktəbin direktoru həbs edilib.

Lent.az xəbər verir ki, direktor Fəxrəddin Həsənov məktəbdəki qanun pozuntuları ilə bağlı cinayət məsuliyyətinə cəlb edilib.

Ağsu Rayon Prokurorluğunda F.Həsənova Cinayət Məcəlləsinin 311.3.3-cü (rüşvət alma-külli miqdarda törədildikdə) maddəsi ilə ittiham elan edilib, barəsində həbs qətimkan tədbiri seçilib.

İş üzrə ilkin istintaq tamamlanıb.

Toplanmış materiallar baxılması üçün məhkəməyə göndərilib.