Ağstafada 3 mərtəbəli fərdi evdə baş vermiş yanğın söndürülüb - YENİLƏNİB

Ağstafada 3 mərtəbəli evdə baş vermiş yanğın söndürülüb.

Lent.az xəbər verir ki, rayonun Köçüəsgər kənd sakini 1977-ciiltəvəllüdlü M. Xanəhmədova məxsus 900 m²-ə yaxın 3 mərtəbəli evin 290 m²-i yanıb.

Evin qalan hissəsi yağınsöndürənlər tərəfindən mühafizə edilib. Yanğının söndürülməsinə FHN-nin Dövlət Yanğından Mühafizə Xidmətinin Ağstafa rayon Dövlət Yanğından Mühafizə Hissəsinin 5 yanğın söndürən avtomobili və 40-a yaxın canlı qüvvəsi cəlb edilib.

Qeyd edək ki, yanğın baş verən evdə yaşayış olmayıb. Baş verən yanğın hadisəsi ilə bağlı araşdırma aparılır

***

21:04

Ağstafa yanğın hadisəsi baş verib.

Lent.az xəbər verir ki, hadisə rayon ərazisində qeydə alınıb.

Belə ki, rayon sakininə məxsus 3 mərtəbəli evdə anidən yanğın başlayıb.

Dərhal əraziyə FHN yanğınsöndürən texnikası və canlı qüvvəsi cəlb edilib.

Yanğının söndürülməsi istiqamətində işlər gedir.