3 gün əvvəl həbsdən çıxan nəvə babasının və nənəsinin boğazını kəsdi

Mersinin Mut rayonunda bir müddət əvvəl həbsdən çıxan 19 yaşlı gənc onun adını paylaşan babasını və nənəsini bıçaqla qətlə yetirib.

Lent.az-ın Türkiyə mediasına istinadla xəbərinə görə, 74 yaşlı baba Hüseyn və 67 yaşlı nənə Gülüzar A. Ilə onlarla birgə evdə yaşayan nəvəsi 19 yaşlı Hüseyn A. naməlum səbəbdən mübahisə edib. Mübahisə zamanı Hüseyn A. bıçaq götürərək həm nənəsinin, həm də babasının boğazını kəsib. Qonşular səs-küyü eşidib xəbər verdikdən sonra hadisə yerinə polis və tibb qrupları gəlib.

Bu vaxt şübhəli hadisə yerindən qaçsa da, qısa müddətdə polis tərəfindən tutularaq saxlanılıb. Sağlamlıq qrupları tərəfindən edilən araşdırmada yaşlı cütlüyün həyatını itirdiyi məlum olub. Hadisə ilə bağlı istintaq davam edərkən, şübhəli Hüseyn A.nın narkotik aludəçisi olduğu və 3 gün əvvəl həbsxanadan çıxdığı iddia edilib.