Ukrayna parlamentində deputatlar dalaşdı

Dekabrın 16-da səhər saatlarında Ukrayna Ali Radasında Yuliya Timoşenko Blokunun deputat fraksiyası parlamentin tribunasını mühasirəyə alıb, “Siyasi repressiyaları dayandırın!”, “Timoşenkodan əlinizi çəkin!” sözləri yazılmış plakatlar asıblar.
Lent.az-ın UNİAN agentliyinə istinadən verdiyi məlumata görə, axşam saatlarında hakim Regionlar Partiyasının deputatları parlamentin zalına daxil olub, müxalifət deputatlarını parlament tribunasından uzaqlaşdırıb, plakatları da cırıblar.
Baş verən dava-dalaşda deputatlar bir birlərinin başına stul belə çırpıblar. 5 deputat parlament zalından xərəklə çıxarılıb və təcili yardım maşınları ilə xəstəxanaya aparılıb. Deputatlardan ikisinin durumu ağırdır.
Qeyd edək ki, Ukrayna Prokurorluğu sabiq baş nazir Yuliya Timoşenko haqqında cinayət işi qaldırıb.