Soyuducunu təmizləməyin yolu – Rahat üsul

Bəzən soyuducunun içi kirlənir və daxilində çox pis qoxu yaranır.

Lent.az xəbər verir ki, bu zaman bir çox evdar qadın xüsusi mağaza məhsullarından istifadə etməməyi üstün tutur. Əksinə ənənəvi üsullarla kir və qoxuları aradan qaldırmağa çalışır.

Soyuducunun təmizlənməsi üçün diş tozu

Diş tozu, aşındırıcı bir vasitə olmasına baxmayaraq, evdar qadınların sevdiyi sodadan daha yumşaqdır. Bu keyfiyyət sayəsində toz istənilən plastik səthləri təmizləmək üçün istifadə edilə bilər.

O, kir və xoşagəlməz qoxuları effektiv şəkildə aradan qaldırır, onları təzə və xoş ətirlə əvəz edir.

Diş tozundan əsaslı təmizləyici yaratmaq üçün onu su ilə qarışdıraraq pastaya bənzər bir tutarlılıq əldə etmək lazımdır. Yaranan məhlul ilə soyuducunu, o cümlədən xaricini təhlükəsiz şəkildə təmizləyə bilərsiniz.

Diş tozunu nə ilə əvəz edə bilərsiniz?

Evdə diş tozu yoxdursa, onun yerinə diş məcunu istifadə edə bilərsiniz.

Qeyd edək ki, soyuducunun arxa divarındakı drenaj çuxuruna xüsusi diqqət yetirin. Çünki bu, çox vaxt xoşagəlməz qoxuların mənbəyidir.