Yunanıstanda keçirilən növbədənkənar parlament seçkilərində solçu SİRİZA partiyasının qalib gəldiyi dəqiqləşib. Lent.az Avropa mediasına istinadən xəbər verir ki, ilkin məlumatlara əsasən, keçmiş baş nazir Aleksis Çiprasın SİRİZAsı səslərin 35 faizini toplayıb və bu da 300 yerlik parlamentdə onun 145 yeri tutmasına imkan verir.
Onun əsas rəqibi sayılan mühafizəkar “Yeni demokratiya” partiyası səslərin 28,07 faizini toplayıb və bu da parlamentdə 75 yer deməkdir. Seçicilərin seçkilərdə iştirakı 55,4 faiz təşkil edib.
Yunanıstan qanunvericiliyinə əsasən, seçkilərdə birinci yeri qazanmış siyasi qüvvə mexaniki olaraq parlamentdə əlavə 50 yer almış olur.
Artıq Fransa prezidenti Fransis Olland, Avstriya baş naziri Verner Faymann və Avropa Parlamentinin rəhbəri Martin Şulz A.Çiprasa telefonla zəng edərək onu təbrik edib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
