Hindistanın Uttar-Pradeş ştatında baş vermiş ağır yol qəzası nəticəsində 17 nəfər ölüb, 30 nəfər yaralanıb. APA-nın “TASS”a istinadən verdiyi xəbərə görə, qəza Hərçəndpur kəndində baş verib. Məlumata görə, yük maşını zəvvarlarla dolu iki qoşqulu traktora çırpılıb.
Ölənlər arasında 12 qadın və 5 uşağın olduğu bildirilir. İlkin versiyaya görə, qəzaya səbəb yük maşınının yüksək sürətlə hərəkət etməsi olub.